నాంపల్లి ఎగ్జిబిషన్ గ్రౌండ్ లో అలయ్ బలయ్ కార్యక్రమం జరిగింది. 19 సంవత్సరాలనుంచి దత్తాత్రేయ కుంటుంబం ఈ కార్యక్రమం నిర్వహిస్తుంది. ఈ కార్యక్రమంలో పాల్గొన్న హర్యానా గవర్నర్ బండారు దత్తాత్రేయ... తాను తెలంగాణ బిడ్డనే నన్నారు. ప్రజలందరూ సోదరభావంతో ఉండాలని దత్తాత్రేయ అన్నారు.
తెలంగాణ సంప్రదాయ వంటకాలను ఏర్పాటు చేశారు. పలువురు గవర్నర్లు రావడంతో దేశమంతా హైదరాబాద్ వచ్చినట్లు ఉందన్నారు. 2005 నుంచి ఈ కార్యక్రమం నిర్వహిస్తున్నామని దత్తాత్రేయ కుమార్తె విజయలక్ష్మి అన్నారు. రెండు తెలుగు రాష్ట్రాలు అభివృద్ది పథంలో అగ్రస్థానంలో ఉండాలని ఆకాంక్షించారు. ఈ కార్యక్రమానికి సీఎం రేవంత్ రెడ్డి, టీపీసీసీ చీఫ్ మహేష్కుమార్ గౌడ్, కేంద్రమంత్రి కిషన్ రెడ్డి. పలువురు ఎంపీలు హాజరయ్యారు. అతిథులకు విజయలక్ష్మి స్వాగతం పలికారు.
